Nuwe eenheid vir stamsel-oorplanting oopgemaak
2010-08-06 03:51
Pretoria – Die grootste eenheid vir stamsel-oorplangting in Suid-Afrika het dié week in ‘n Pretoria hospitaal oopgemaak.
Baie potensiële pasiënte gaan oorsee vir behandeling, omdat hulle nie besef dat dit in Suid-Afrika gedoen kan word nie.
So sê Jackie Thompson, hoof van die Alberts Alberts Haemopoitic Stem Cell Transplant Unit by die Netcare Pretoria Oos Hospitaal.
Maar volgens Thompson word daar jaarliks meer as 80 oorplantings op ‘n jaarlikse basis voltooi.
Die eenheid spog met 30 privaat kamers, wat, volgens regulasie, totaal geïsoleerd is aangesien pasiënte se immuunstelsel ná oorplantings uiters verswak is.
“Die eenheid voldoen op alle vlakke aan internasionale standaarde,” het Thompson gesê.