Netcare waarsku teen diabetes
2009-11-16 12:02
Johannesburg - Onlangse gesondheidstoetse het onthul dat 26% van die mense wat getoets is, 'n kans staan om diabetes en hartsiektes te ontwikkel, het die gesondheidsgroep Netcare gesê.
Hierdie syfer is skokkend hoog, het Jacques du Plessis die besturende direkteur van Netcare se hospitaal afdeling gesê.
Netcare het gesê dat 6.5 miljoen Suid-Afrikaners na beraming aan diabetes ly, en dié syfer is aan die styg, wat ‘n gevaar vir die land se gesondheidstelsel kan inhou.
Hoë suikervlakke in die liggaam oor ‘n lang tydperk, kan tot ernstige gesondheidskomplikasies lei wat die organe kan beskadig en die kanse op hartsiektes kan verhoog.
Diabetes-lyers kan ook probleme met wonde wat nie vinnig genoeg herstel nie en skade aan hulle oë vind wat blindheid kan veroorsaak.
Die toename van mense wat aan diabetes ly, hou direk verband met ‘n toename in die eet van gemorskos en ‘n ongesonde leefstyl.
“Daar is ‘n groot behoefte om die publiek reg te leer, want vroeë toetsing vir diabetes kan help om die ontwikkeling van gesondheidsprobleme te keer,” het du Plessis gesê.
Simptome vir diabetes sluit in; 'n toename in urinering, gereelde moegheid, drastiese gewigsverlies en dowwe sig.
- Sapa