Net omdat dit 'n Wii is beteken nie dis oefening

2012-02-29 20:53

Virtuele boksery, tennis en dansery wat met videospeletjies gepaardgaan, help dalk nie kinders om hul daaglikse oefening in te kry nie, het 'n Amerikaanse studie getoon.
 
Navorsers van Baylor College of Medicine in Houston, Texas het bevind dat kinders wat sogenaamde aktiewe videospeletjies op 'n Nintendo Wii gespeel het, het nie meer matige of kragtige fisieke aktiwiteite ingekry as diegene wat speletjies gespeel het terwyl hulle op 'n rusbank sit nie. 

Sommige gesondheidnavorsers het gehoop dat aktiewe videospeletjies dalk 'n alternatief aan buitemuurse aktiwiteite vir kinders kan wees wat in onveilige woonbuurte woon en waar hulle nie altyd buite kan gaan speel nie.

Vir die studie is 78 Wii-rekenaars aan kinders gegee wat nog nie een besit het nie. Die helfte is die opsie gegee om 'n aktiewe speletjie te speel terwyl die ander helfte gewone speletjies gespeel het.

Daar is bevind dat kinders wat gekies het om die aktiewe speletjies te speel nie meer oefening gekry het as diegene wat gewone speletjies gespeel het nie.

Nintendo was nie beskikbaar vir kommentaar nie. Ander navorsers het gesê terwyl die speletjies nie regte oefening kan vervang nie, mag dit dalk beter wees as geen oefening.

– Kliek hier om die volledige storie te lees.

– Volg Nuus24 op Twitter.

- Reuters