Navorsing onthul haaie se bewegings

2013-01-30 11:05

Kaapstad – Navorsers het ontdek dat slegs wyfie-witdoodshaaie naby aan die kus in Valsbaai beweeg.

Die navorsing, wat onderneem is deur die plaaslike haai-wetenskaplike Alison Kock, het drie jaar lank die bewegings van 56 witdoodshaaie van beide geslagte gemonitor, het The Cape Times berig.

“Dit is baie opwindend. Ons het nooit verwag om dit uit te vind nie. Ons het al vir ‘n tydjie geweet dat die haaie na die kus beweeg tydens somer en lente, maar nou het ons uitgevind dat dit net die wyfies is,” het Kock aan die koerant gesê.

“Wat ons nie weet nie, is waarheen die mannetjies gaan. Dit is die groot vraag.”

Volgens die verslag kom die haaie tydens winter en herfs bymekaar in die baai by Duikereiland (Seal Island) om te voer op die robbe op die eiland.

Hulle beweeg weg van die eiland in die somer en die lente om voordeel te trek uit migrerende visse wat nader aan die kus swem.

Die nuutste navorsing is Maandag in die PLOS ONE-joernaal gepubliseer.

Kock het bygevoeg dat hierdie navorsing sal help met die bestuur van haaie.

– Volg Nuus24 op Twitter
 

- SAPA