Nasa se Curiosity land op Mars

2012-08-06 07:57

Pasadena, Kalifornië – Die Curiosity – die grootste en beste ruimte-verkenningstuig wat nog ooit gebou is – het op die Rooi Planeet geland.

Nasa het gesê hy het Sondagaand 'n sein van die Curiosity-verkenningstuig ontvang.

Die verkenningstuig is die grootte van 'n klein motor, so ingenieurs moes met nuwe maniere vorendag kom om die tuig op die oppervlak van die planeet neer te sit. Kabels is vir die eerste keer gebruik om die verkenningstuig in 'n groot krater te laat sak.

Die Mars-wetenskap­laboratorium-projek, wat 'n volle $2,5 miljard (sowat R20 miljard) kos, gebruik die gesofistikeerde Curiosity-verkenningstuig om verskeie klippe op Mars te ondersoek vir leidrade wat wetenskaplikes kan help om vas te stel of daar ooit lewe op die Rooi Planeet was.

Die projek sal twee jaar lank duur.

– Volg Nuus24 op Twitter

- AFP