Naguil tweet eerste oor Osama-klopjag
2011-05-03 08:54
New York – Terwyl Amerikaanse soldate laataand in Pakistan op Osama Bin Laden toegeslaan het, het ‘n Twitter-gebruiker onbewustelik daaroor getweet.
Sohaib Athar, ‘n 33 jaar oue rekenaarprogrammeerder in Abbottabad, waar Bin Laden gevind is, het heel aand sy kommer oor 'n geraas in die omgewing getweet.
“’n Helikopter oor Abbottabad om 01:00 is ‘n rare gebeurtenis,” het hy gesê.
Athar werk glo gereeld laataand aan programmering vir Amerikaanse firmas en het sy frustrasie oor die geraas gou laat hoor.
“Gaan weg helikopter – voor ek my reusevlieëplak gaan haal,” het hy spottenderwys getweet.
Die Amerikaanse president, Barack Obama, het op 1 Mei aangekondig soldate het Osama bin Laden in Abbottabad in 'n koeëlreën gedood.
Lees die volledige storie hier.
Volg Nuus24 op Twitter.