Myanmar: Massa-inenting teen polio
2011-02-22 20:54
Yangon – Myanmar beplan om ’n massa-inenting teen polio na ’n sewe-maande oue baba met die virus gediagnoseer is. Volgens die Verenigde Nasies se Kinderfonds is hierdie die eerste saak in drie jaar.
Net een geval is genoeg om 'n "noodgeval reaksie" te aktiveer, het UNICEF gesê. Gesondheidsamptenare het 100,000 kinders in die Mandalay-streek in sentrale Myanmar vinnig ingeënt nadat die siekte vir die eerste keer in Desember vermoed is.
“Hierdie geval is baie jammer aangesien Myanmar amptelike polio-vrye status in Desember sou kry,” het Ramesh Shrestha, ’n UNICEF-verteenwoordiger in Myanmar, gesê.
Die VN agentskap het gesê die baba was gediagnoseer met ’n stam van die virus wat geneties gemuteerd is van die weergawe wat in die orale polio-entstof voorkom.
’n Ingeënte persoon dra die verswakte virus oor aan ander en in seldsame gevalle kan die virus in die entstof in ’n nuwe vorm muteer wat kan verlam, volgens die Wêreld Gesondheidsorganisasie (WGO).
Shrestha het gesê die oorsaak van die nuwe oordrag is onduidelik, maar sommige kinders het moontlik die roetine inentings gemis.
UNICEF het gesê 'n span van die WGO was alreeds in die land om ’n strategie saam te stel om die verspreiding van die virus stop te sit.
Inenting sal óf 3,4-miljoen kinders in spesifieke areas teiken, óf ’n nasionale program sal mik om sewe miljoen jeugdiges te bereik.
Myanmar se departement van gesondheid het ’n veldtog georganiseer na ’n soortgelyke geval in 2007, en het toe 6,7-miljoen kinders ingeënt.
Polio affekteer hoofsaaklik kinders onder vyf en word deur besmette voedsel en water oorgedra.
Volgens die WGO lei een in 200 infeksies tot onomkeerbare verlamming, gewoonlik in die bene, terwyl vyf tot tien persent van diegene wat verlam is sterf wanneer hulle asemhalingspiere immobiliseer.
Wêreldwye-gevalle het meer as 99-persent gedaal vanaf ’n beraamde 350,000 in 1988 tot 1,604 wat in 2009 gerapporteer is.
Volg Nuus24 op Twitter.
- AFP