Misdadigers teiken Facebook, MySpace
2009-07-30 10:27
Valencia, Spanje – Facebook, MySpace en ander sosiale netwerke word deur kubermisdadigers geteiken weens die gebruikers van dié netwerke se magdom persoonlike inligting.
Kenners waarsku dat inligting soos name, geboortedatums, adresse, werkbesonderhede, e-pos en telefoonnommers is ‘n goudmyn vir misadigers en deelnemers aan die Campus Party, een van die grootste saamtrekke van internet-entoesiaste, is.
Volgens Asier Martinez, ‘n sekerheidspesialis , teister ‘n virus genaamd Koobface duisende Facebook- en Twitter-gebruikers sedert Augustus 2008.
“Daar is 4000 verskillende tipes van dié virus,” het hy gesê.
Dié virus kaap die internetprofiel van gebruikers van sosiale netwerke en stuur boodskappe aan hul vriende wat hulle stuur na sagteware wat hul rekenaars se sagteware infiltreer.
Een van die Koobface-virusse stuur ‘n waarskuwing en ‘n skakel aan die slagoffer wat sê die rekenaar se Flash-speler moet met ‘n nuwe weergawe vervang word.
Dié skakel laai dan die virus op jou rekenaar.
- Sapa-AFP