Miljarde in SKA belê – minister

2012-05-28 13:51

Kaapstad – Miljarde rande is in die Square Kilometer Array-projek (SKA) belê, het Naledi Pandor, minister van wetenskap en tegnologie, gesê.

Suid-Afrika het tot dusver R1,5 miljard spandeer op die sogenaamde "demonstrasieteleskoop," wat byna lyk soos wat die finale SKA sal lyk, berig die SABC.

Dit volg nadat daar Vrydag aangekondig is dat Suid-Afrika en Australië gesamentlik die SKA-radioteleskoopprojek sal huisves.

"Ons gaan met die ontwerpfase begin. Ons het reeds heelwat as Suid-Afrika (in die projek) belê en die wêreldwye vennote sal nou na die tafel moet kom. Die internasionale befondsing sal ons help met die implementering. Die bedrag beloop sowat €2,5 miljard (ongeveer R26 miljard)," het die minister bygevoeg.

Die SKA sal 50 keer kragtiger wees as enige ander radioteleskoop.

– Lees meer hier

– Volg Nuus24 op Twitter