Merke op ooglede kan hartaanval voorspel
2011-09-16 22:58
Londen – Geel merke op die ooglede kan ‘n teken wees dat mens ‘n groot kans het om ‘n hartaanval te ly, het navorsers in Denemarke bevind.
‘n Studie wat onlangs in die British Medical Journal gepubliseer is het bevind pasiënte met xanthelasmata het ‘n 48% groter kans om ‘n hartaanval te ly.
Xanthelasmata, wat meestal uit cholesterol bestaan, kan ‘n teken van ‘n ophoping van vetterige stowwe in die liggaam wees.
Kardioloë het gesê dokters kan die bevindinge gebruik om hoë-risiko-gevalle te diagnoseer.
Die navorsers van die Herlev-hospitaal in Denemarke het 12 745 mense vanaf die 1970’s bestudeer.
“Pasiënte met die geel merke het word as hoë risiko beskou,” het die navorsers gesê.
“Sulke pasiënte moet veranderinge aan hul leefstyl aanbring en behandeling soek om cholesterol te verlaag.”
– Lees meer hier.
– Volg Nuus24 op Twitter.