Meeste studente stuur stoute SMS’e, foto’s

2011-07-26 08:06

Rhode Island – Amerikaanse wetenskaplikes het bevind die meeste studente onderbreek die vervelige opneem van inligting en kennis deur gewaagde boodskappies aan bemindes te stuur.

Navorsers van die Universiteit van Rhode Island het onlangs ‘n studie onderneem en bevind sowat 78% van studente het al stoute SMS’e ontvang.

Sowat 56% van die studente het ook erken hulle het intieme foto’s ontvang.

Dié stoute woorde en foto’s dien egter volgens die navorsers as ‘n soort "hedendaagse liefdesbrief" en die meeste (73%) van die respondente het die gewaagde materiaal aan hul liefdesmaat gestuur.

Een uit vyf van die studente het egter die private brokkies prikkelmateriaal aan ‘n derde party gestuur.

Slegs 10% van dié promiskueuse studente het die ander party se toestemming gehad om van die verhouding ‘n liefdesdriehoek te maak.

– Lees meer hier.

– Volg Nuus24 op Twitter.