Mense 'drink hulle dood'
2011-10-31 13:09
Kaapstad – Mense wat gereeld meer as die veilige alkohol-perk drink verhoog onwetend hul kans om kanker, lewerkwale en geestesversteurings te ontwikkel, het ‘n verslag bevind.
Meer as ‘n kwart van Britse mans (26%) drink gereeld meer as die gesonde perk alkohol terwyl 18% van vroue hulle aan te veel drank vergryp, het die verslag getoon.
Die tendens vererger ook met ouderdom en een in drie mans oor die ouderdom van 45 (31%) drink gereeld meer as wat gesond is.
In teenstelling is die meeste vroue wat te veel drink tussen die ouderdom van 16 en 24.
Die navorsingsgroep 2020health het die verslag, From One to Many, opgestel en gesê daar moet op dié probleem gefokus word.
“Niemand sal die nood om hierdie kwessies op te los, betwyfel nie,” het Julie Manning, 2020health se hoof, gesê.
“Dit is kommerwekkend hoe ons die drinkgewoontes van die meerderheid mense miskyk – al drink hulle hulself dood.”
– Lees meer hier.
– Volg Nuus24 op Twitter.