Meer beroertes vir depressielyers
2011-11-03 13:08
New York – Navorsers het bevind mense wat aan depressie ly het ‘n groter kans om later in hul lewens ‘n beroerte te kry as mense wat nie aan dié geestestoestand ly nie.
Die navorser Li-Qiang Qin van die Soochow-universiteit in China het data van 17 vorige studies van meer as 200 000 mense gekombineer om sy bevindinge te maak.
Slegs twee van die studies het bevind daar is nie ‘n verband tussen depressie en beroertes nie.
Twee studies het egter bevind depressie verlaag die kans op beroertes.
Die ander 13 studies het almal bevind depressie verhoog die kans op beroertes en na die resultate van al 17 studies gekombineer is, het Qin bevind mense met depressie het ‘n 34% groter kans om ‘n beroerte te kry as mense wat nie aan depressie ly nie.
“Ons weet depressie beïnvloed die gedrag wat die risiko om ‘n beroerte te kry, verhoog,” het Maria Glymour van die Harvard-universiteit in Amerika gesê. Haar navorsing oor die onderwerp is ook by Qin se bevindinge ingesluit.
“Depressie beïnvloed ‘n mens se dieet, fisieke toestand en gehoorsaamheid aan gesondheidsraad,” het sy gesê.
Die navorsing is in die joernaal Stroke gepubliseer.
– Volg Nuus24 op Twitter.
- Reuters