Meer as 30 000 verlaat glo Facebook
2010-06-01 13:00
San Francisco – ‘n Groep wat teen Facebook se privaatheidsbeleid protesteer het Maandag gesê dat meer as 30 000 mense ag geslaan het op hulle beroep om nie meer deel te wees van die sosiale netwerkreus nie.
“Dit kom vir ons neer op twee dinge: regverdige keuses en die beste intensies. Volgens ons doen Facebook nie goed in een van die departemente nie,” het die ongeïdentifiseerde organiseerders op hul webwerf gesê oor Maandag se “Quit Facebook Day”.
“Facebook gee vir mens keuses oor hoe om jou data te bestuur, maar hulle is nie regverdige keuses nie.”
Die groep het Maandagaand gesê dat 32 749 uit die Facebook-wêreld getree het.
Facebook.com word maandeliks deur 540 miljoen mense besoek, of effens meer as 35% van die internet-populasie, het data van Google getoon.
Facebook is besig om veiligheidsbeheermaatreëls op te knap in die gesig van kritiek dat hulle die vertroue wat hulle die wêreld se grootste sosiale netwerk gemaak het verbreek het.
Kritici doen steeds ‘n beroep op Facebook om alle gebruikersinligting privaat te hou en dat gebruikers self kan besluit wat hulle wil deel.
- Sapa
Volg Nuus24 op Twitter