Ma’s wat borsvoed het soet kinders
2011-05-10 18:01
Londen – Babas wat maande lank borsmelk drink, ontwikkel minder gedragsprobleme tydens hul vroeë kindertyd teenoor bottelbabas, het navorsers bevind.
Die Britse studie, onder leiding van Maria Quiqley van die Oxford-universiteit, het 10 000 ma’s uitgevra oor hul kinders se gedrag en bevind vier maande se drink aan borsmelk verminder die kanse op swak gedrag onder vyfjariges met ongeveer 33%.
Die bevindinge, gepubliseer in die Archives of Disease in Childhood, is volgens die navorsers net nog ‘n greintjie op ‘n hele hoop bewyse.
Kinders wat op die bottel grootword is glo heelwat meer angstig, hiperaktief en geneig om te jok en te steel, het die studie bevind.
Dit is die vetsure in borsmelk wat die band tussen ma en kind versterk en die verhouding glad laat verloop, meen die studie.
“Ons bevindinge lewer selfs meer bewyse dat borsmelk uiters voordelig is,” het Quiqley gesê.
Volg Nuus24 op Twitter.
- AFP