Mans met diep stemme laat vroue luister
2011-09-22 18:56
New York – Mans wat woordjies van liefde in hul beminde se ore wil fluister, moet dit in ‘n diep stem doen as hulle wil hê die meisie moet hulle onthou.
Navorsers het gesê ‘n nuwe studie oor vroue se voorkeure van mansstemme dui aan die mens se geheue is ingestel op dinge wat ons voortbestaan sal verseker.
Die navorsers van die Universiteit van Aberdeen in Skotland en die McMaster-universiteit in Kanada het vroue prente van voorwerpe gewys terwyl óf ‘n diep stem óf ‘n stem met ‘n hoë toonhoogte die naam van die voorwerp uitspreek.
Daarna is die vroue prente van twee soortgelyke, maar nie identiese, voorwerpe gewys en gevra watter een hul vroeër gewys het.
Die meeste vroue het die voorwerpe onthou wat deur die diep stem begelei is.
“Dit help vroue om ‘n maat te kies,” het die navorser Kevin Allan gesê. "Dit is uiter belangrik, want ‘n swak keuse kan slegte gevolge vir die mens se voortbestaan inhou."
Wetenskaplikes het reeds geweet mans se stemme is belangrik vir potensiële maats om te onderskei of mans geneties sterk is en of hulle dalk emosioneel koud is.
– Lees meer hier.
– Volg Nuus24 op Twitter.