Man wat Facebook uit tjoekie sy selfoon kwyt
2011-01-24 13:00
Charleston – Tronkbewaarders in Suid-Carolina moes ‘n selfoon by een van die gevangenes afneem, omdat hy sy Facebook-profiel uit die tronk opgedateer het.
Die 22-jarige Quincy Howard is in dissiplinêre detensie en kan nie kollekteeroproepe maak of besoekers ontvang nadat die gesmokkelde foon vroeër die maand uit sy tronksel geneem is nie, het amptenare van korrektiewe dienste aan The Post and Courier of Charleston gesê.
Howard dien ‘n 30-jaar vonnis uit vir manslag.
Die koerant het berig dat Howard meeste van sy tyd verlede jaar op die selfoon deurgebring het om die Mafia Wars en Cafe World-speletjies te speel.
Nietemin het hy soms sy Facebook-profiel opgedateer, met inskrywings soos: "Gestoomrol deur die korrupte regstelsel in Suid-Carolina."
Howard se facebook-foto was van hom in sy tronk-uitrusting.
Volg Nuus24 op Twitter
- AP