Man hoes gesteelde ring uit

2010-01-26 04:51

Joplin – Volgens die polisie het ‘n man wat daarvan beskuldig is dat hy ‘n ring gesteel het, die bewyse uit gehoes terwyl hulle hom in Missouri ondervra het.

Na bewering is die ring Donderdag uit ‘n vrou se handsak gesteel. Die polisie het dadelik foto’s van die diamantring aan alle juwelierswinkels gestuur.

Volgens die Joplin Globe het die eienaar van Newton’s juweliersware die polisie gekontak toe ‘n man en vrou die ring by sy winkel probeer verkoop het. Die eienaar van die winkel het die verdagtes glo besig gehou terwyl sy personeellede die polisie gekontak het.

Met die polisie se aankoms op die toneel het die man die ring ingesluk. Maar toe die polisie hom begin uitvra oor die ring het hy onbeheerlik begin hoes en die ring uitgespoeg.
Beide die man en vrou is op die toneel in hegtenis geneem.

- AP