Man gebruik Facebook vir seks met 70 vroue
2010-12-16 20:58
Hongkong – ‘n Man wat daarvan aangekla word dat hy meisies en vroue van Hongkong op Facebook gelok het om seks met hom te hê, het moontlik tot 70 mense van die skoner geslag ingedoen.
Hy het vir hulle geld aangebied, maar dit nooit betaal nie.
Die 28-jarige man het homself Woensdag aan die polisie oorgegee nadat ‘n meisie (15) gekla het dat hy haar deur die sosiale netwerk om die bos tot in sy bed gelei het, het die Hong Kong Standard Donderdag berig.
Die man het die tiener glo op Facebook ontmoet en haar $6 000 (R41 175) belowe om in Oktober deel te neem aan rituele om hom te help om van slegte geluk ontslae te maak.
Dit sou beteken dat sy vier keer met hom seks moes hê, het die koerant berig.
Toe hy haar nie betaal nie, het sy hom glo saam met ‘n vriend opgespoor en sy selfoon geneem, waarop foto’s en video’s van sowat 70 ander vroue en meisies was wat hy waarskynlik ook omgepraat het om seks mee te hê.
Die man is as "Ah Dick Tang" geïdentifiseer en polisie het hom in hegtenis geneem vir ondervraging oor aantygings dat hy seks met ‘n minderjarige meisie gehad het.
Ander vroue wat op sy foon gelys was het ook beweer dat hulle vir sy skelmstreek geval het, het die Hong Kong Standard gesê.
Volg Nuus24 op Twitter
- Sapa-DPA