Man betwis Twitter-skuldigbevinding
2010-11-23 18:30
Londen – ‘n Man wat skuldig bevind en beboet is omdat hy ge-tweet het hy beplan om ‘n lughawe op te blaas, gaan sy saak na Brittanje se hooggeregshof neem.
Paul Chambers se prokureurs het gesê Ben Emmerson, ‘n mensregte-prokureur sal Chambers se saak hanteer.
Chambers is in Januarie in hegtenis geneem nadat hy op Twitter gesê het hy sal die Robin Hood-lughawe opblaas, indien sy vlug vertraag is.
Chambers hou vol dit was maar net ‘n grap. Maar ‘n regter het hom skuldig bevind omdat hy ‘n dreigende boodskap op ‘n publieke telekommunikasie netwerk geplaas het.
‘n Ander regter het vandeesmaand Chambers se appél verwerp.
Chambers se skuldigbevinding het duisende aanhangers op Twitter woedend gehad.
- Volg Nuus24 op Twitter.
- AP