Malaria se oorsprong lê by gorillas
2010-09-23 10:26
Parys – Die parasiet wat die mees dodelike weergawe van malaria dra het glo sy oorsprong by gorillas, het wetenskaplikes Woensdag berig.
Plasmodium falciparum is die mees dodelike van die vyf malariaparasiete en veroorsaak sowat ‘n miljoen sterftes per jaar.
Dié parasiet word van een mens na ‘n ander deur die vroulike Anopheles- muskiet oorgedra.
Tot onlangs het navorsers vermoed dat die parasiet oorspronklik vanaf sjimpansees na mense oorgedra is maar nuwe navorsing toon dat dit die genetiese grens tussen die gorilla en die mens oorbrug het.
Hierdie studie verskyn in die Britse joernaal, Nature, en is deur navorsers onder leiding van Beatrice Hahn van die Universiteit van Alabama gedoen.
Volg Nuus24 op Twitter.