Lugbesoedeling in Beijing bereik 'gevaarlike vlak'

2013-01-12 09:33

Beijing – 'n Donker wolk van besoedeling hang die afgelope paar dae selfs dikker oor China se hoofstad, Beijing, met besoedelingsindekse wat 'n gevaarlike vlak bereik.

Plaaslike owerhede het gewaarsku dat erge lugbesoedeling tot Maandag oor die stad sigbaar sal wees.

Monitors by die Amerikaanse ambassade in Beijing het Saterdag luggehaltelesings van so hoog as 481 getoon. Die monitors meet die vlak van gevaarlike deeltjies in die lug, met 'n maksimum lesing van 500.

'n Lesing van 301 tot 500 beteken mense moet buitemuurse aktiwiteite liefs vermy.

– Volg Nuus24 op Twitter.

- Sapa - AP