Litium in drinkwater verminder selfmoordpogings
2011-06-01 23:03
Wene – Klein hoeveelhede natuurlike litium in
drinkwater het ‘n beduidende invloed op selfmoordgetalle, het Oostenrykse
wetenskaplikes bevind.
Litium word algemeen voorgeskryf vir die
behandeling van geestestoestande, onder andere depressie.
Die span wetenskaplikes het die vlak van
litium in drinkwater met die hoeveelheid selfmoorde in die 99 distrikte van
Oostenryk vergelyk.
Die wetenskaplikes van die Mediese
Universiteit van Wene, het ‘n definitiewe verbintenis opgemerk.
Selfs as 'n mens ander faktore, soos inkomste en
die beskikbaarheid van gemeenskaplike gesondheidsdienste in ag neem, wil dit
voorkom asof distrikte met meer litium in die drinkwater minder
selfmoordgevalle het.
‘n Soortgelyke studie in Japan het dieselfde
afleidings gemaak, maar hul bevindings is gekritiseer weens metodiese
tekortkominge.
Die wetenskaplikes het egter gewaarsku teen
die opsetlike verryking van drinkwater met litium aangesien hulle nie seker is
of dit verrykende newe-effekte sal hê nie.
Volg Nuus24 op Twitter.
- Sapa-DPA