Laer IK, groter middellyf
2011-11-16 19:38
New York – Mans met laer IK’s mag dalk ‘n groter risiko as slimkoppe hê om later in hul lewens gewig op te tel en aan hartsiekte te ly, het ‘n studie bevind.
Sweedse mans wat op 18-jarige ouderdom laer IK’s gehad het, het ‘n groter verhouding tussen die groottes van hul middellywe teenoor hul heupe gehad as mans met hoër IK’s, het navorsers bevind.
Dit is bekend dat mense met “appelvormige” liggame, met meer gewig om die middel, ‘n hoër risiko loop om aan hartsiekte te ly as mense met “peervormige” liggame.
Dit is nie bekend hoe IK met die grootte van mense se middellywe verband hou nie en Amerikaanse kardioloë het gewaarsku om nie te vroeg enige afleidings van die navorsing te maak nie.
Die bevindinge sal voor ‘n vergadering van die Amerikaanse hartstigting voorgelê word.
“Veldtogte om vetsug te bekamp moet hul fokus verander en meer konsentreer op groepe wat die meeste daaruit kan baat – mense met lae IK’s,” het Leppert gesê.
– Lees meer hier.
– Volg Nuus24 op Twitter.