Kreasionisme nie goed vir kinders, sê komediant

2012-08-30 07:20

New York – Die Amerikaanse komediant en televisiepersoonlikheid Bill Nye, beter bekend as Bill Nye the Science Guy, het in 'n nuwe video wat aanlyn vrygestel is kreasionisme opnuut verwerp, en ouers gevra om nie dié geloof aan hulle kinders oor te dra nie.

Kreasioniste interpreteer die Genesis-skeppingsverhaal in die Bybel op 'n letterlike wyse.

"Vir die volwassenes wil ek sê, as jy evolusie wil ontken en lewe in jou wêreld wat heeltemal teenstrydig is met alles wat ons in die heelal waargeneem het is dit goed so. Maar moenie jou kinders dwing om dit te doen nie," het Nye gesê.

Kreasionisme is steeds 'n hoogs omstrede saak in die VSA, waar sekere groepe Christene druk op die regering plaas om die evolusieleer uit skoolhandboeke te verwyder.

– Volg Nuus24 op Twitter.

- Reuters