Kraanwater vir COP17-afgevaardigdes
2011-11-28 22:54
Durban – Internasionale afgevaardigdes by COP17 in
Durban was eers huiwerig om kraanwater te drink.
Hulle het egter mettertyd die organiseerders geprys vir hul opregte poging om die konferensie se
koolstof-voetspoor laag te hou.
In baie van die afgevaardigdes se tuislande is
dit nie veilig om kraanwater te drink nie.
Hulle is water in bekers aangebied en wou eers
weet of dit veilig is om dié water te drink in plaas van gebottelde mineraalwater.
Meeste afgevaardigdes was egter baie tevrede
met die kraanwater nadat dit aan hulle verduidelik is dat Suid-Afrikaanse kraanwater veilig
is om te drink.
Volgens aktiviste verg gebottelde water baie
energie en op dié manier kon Durban die hoeveelheid energie wat dié konferensie
verg, aansienlik verminder.
“Ons is baie beïndruk met wat ons tot dusver
gesien het.
“Dit wys dat hulle ‘n daadwerklike poging
aanwend om die massiewe konferensie se koolstof-voetspoor so klein as moontlik
te hou,” het Tasneem Essop van die World Wide Fund for Nature gesê.
Volg Nuus24 op Twitter.
- SAPA