Kort mense het tekort aan gene
2011-11-24 18:28
New York – Wetenskaplikes het bevind kort mense vermis kopieë van sekere gene en dit kan veroorsaak dat hul merkbaar korter as gemiddeld is.
Die Amerikaanse navorsers het die DNS van meer as 11 000 kinders en volwassenes bestudeer en bevind kort mense, wat in die korste 2.5% van hul ouderdomsgroep val, vermis sekere kopieë van spesifieke gene.
“Ons is bietjie verras aangesien ons nie geweet het wat om te verwag van die studie nie,” het die hoofnavorser Joel Hirschhorn van die Kinderhospitaal in Boston gesê. “Ons het die onderliggende genetika van hoogte probeer ondersoek.”
Die studie is in die American Journal of Human Genetics gepubliseer.
– Lees meer hier.
– Volg Nuus24 op Twitter.