Konsortium vas oor onwettige medisyne
2012-12-14 09:42
New York – Lede van ‘n groep wat daarvan beskuldig word dat hulle in meer as $440 miljoen (sowat R3,8 miljard) se onwettige voorskrifmedisyne handel gedryf het, is Donderdag in hegtenis geneem, het Amerikaanse amptenare gesê.
Die voorskrifmedisyne, wat nie deur die Amerikaanse voedsel-en-geneesmiddelwaghond, die FDA, goedgekeur nie, is aan apteke verkoop.
Die medisyne is tussen 2007 en 2011 aan talle apteke in stede soos Detroit, New York, Miami en Los Angeles verkoop, het Charles Walsh, ‘n Amerikaanse amptenaar, gesê.
“Daar is ook bewyse dat van die medisyne verval het, vervalste etikette op gehad het en selfs in party gevalle die verkeerde dosisse voorgeskryf het,” het Walsh gesê.
Die medisyne het eindelik meer as $650 miljoen (sowat R5,6 miljoen) in verkope gegenereer.
Walsh het bygevoeg dat geen mediese voorvalle wat met die medisyne verband hou, gerapporteer is nie. Hy het ook gesê dat dit onduidelik is watter persentasie van die verkoopte medisyne al verval het.
Altesaam 16 van die 23 verdagtes is al in hegtenis geneem, die meeste in Kalifornië en New York.
– Volg Nuus24 op Twitter
- Sapa - AP
