Kommer oor 'wetenskaplikes van môre'
2012-07-28 15:54
Johannesburg – Meer moet gedoen word om die Suid-Afrikaanse jeug bloot te stel aan wetenskap-verwante loopbane, het Naledi Pandor, minister van wetenskap en tegnologie, Saterdag gesê.
"Dit lyk nie of bewusmaking oor wetenskap, ingenieurswese en tegnologie in ons universiteite en op wetenskaprade belangrik is nie... en tog is dit," het sy in 'n toespraak by die Nasionale Wetenskapweek in Soweto gesê.
Pandor het gesê wanneer die jeug aan wetenskap-verwante loopbane blootgestel word, sal dit hulle kanse verhoog om die "wetenskaplikes van môre" te word.
Wetenskap-verwante aktiwiteite sal van Maandag tot Saterdag by meer as 80 plekke oor die land heen aangebied word.
Die aktiwiteite sluit in werkswinkels, opedae, openbare lesings, seminare, loopbaanuitstallings en toere van wetenskapfasiliteite.
– Volg Nuus24 op Twitter.
- SAPA
