Kommer oor stropery in Zim

2013-01-04 15:38

Harare – Stropers het op Nuwejaarsdag vier renosters in ‘n wildreservaat in die noordooste van Zimbabwe geteiken, het beamptes Vrydag gesê.

Caroline Washaya-Moyo, woordvoerder vir Zimbabwe se natuurbewaringsowerheid, het gesê die renosters se horings is afgesaag, maar die stropers het dit nog nie met hulle saamgeneem toe die karkasse gevind is nie.

Die voorval het vrese aangewakker dat stropery ook in Zimbabwe 'n krisisvlak kan bereik.

Die renosters was sowat $480 000 (sowat R4 miljoen) werd.

Washaya-Moyo het in ‘n verklaring gesê 19 renosters is verlede jaar in Zimbabwe gestroop. Die land se renosterbevolking staan op sowat 700.

'n Rekord-getal van 633 renosters is verlede jaar in Suid-Afrika gestroop.

– Volg Nuus24 op Twitter
 

- Sapa - AFP