Klink 'n glasie op Google Street View
2012-02-06 15:00
Kaapstad – Google het aangekondig dat hy 'n hele rits wynlandgoede by sy gewilde Street View-diens gevoeg het.
Dié diens laat gebruikers toe om 360 grade-beelde van strate en toeriste-aantreklikhede op rekenaars en mobiele toestelle te besigtig.
Nuwe wynlandgoede wat nou beskikbaar is sluit in Boekenhoutskloof, Groot Constantia, Hartenberg, Moreson, Rustenburg Wines en Warwick. Dit bring die totaal op 30 wynlandgoede wat nou op Street View te sien is.
Die internetreus sal ook in die volgende paar weke werk om verskeie paaie en toeriste-aantreklikhede in Botswana te besoek met Street View-voertuie.
"Ons is verheug om Street View te kan bywerk met meer beelde van die Kaapse wynlande en sien daarna uit om ons Street View-tegnologie ook na Botswana te neem," het Julie Taylor, hoof van kommunikasie en openbare betrekkinge vir Google in Sub-Sahara-Afrika, gesê.
– Lees hier meer.