Kletsrymer in die sop oor misleidende tweet

2011-08-15 10:11

Los Angeles – ‘n Amerikaanse kletsrymer word deur kriminele klagtes in die gesig gestaar na hy op Twitter 'n polisiestasie in Los Angeles se telefoonnommer as sy eie getweet het.

Die kletsrymer, The Game, het sy 580 000 volgelinge op Twitter uitgenooi om aansoek te doen vir ‘n internskap en die Compton-polisiestasie se telefoonnommer daarby getweet.

Die oproepe het ingestroom en die polisiestasie se noodtelefoondiens oorweldig.

Die polisiewoordvoerder Steve Whitmore het gesê die polisieondersoek sal binnekort na die staatsaanklaer gestuur word.

The Game het later getweet sy profiel was gekraak.

– Lees meer hier.

– Volg Nuus24 op Twitter.