Kinders moenie boks nie, sê dokters
2011-08-30 12:30
New York – Amerika se grootste groep pediaters het Maandag byeengekom om sy lede aan te moedig om die sport boks by kinders sterk teen te staan.
In ‘n verklaring het die Amerikaanse Akademie van Pediaters gesê duisende seuns en meisies neem aan die sport deel ten spyte van die gevare van gesig- en breinbeserings.
“Daar is min wat mens kan doen om ‘n gesonde brein as mens ouer word te verseker,” het Hans Forstl, wat boksbeserings bestudeer het, by die Technische Universitat Munchen in München gesê.
“Een van die beste dinge om te doen is om boks te vermy,” het hy gesê.
Die boksgemeenskap het egter kritiek oor dié uitlatings uitgespreek.
Pat Russo, ‘n afgetrede polisielid wat ‘n boksklub in New York bestuur, het gesê die sport gee duisende kinders in arm gemeenskappe rigting in die lewe.
“Boks red party kinders,” het hy gesê. “Dit leer hulle dissipline, fluksheid vir werk en dat 'n mens beter raak met oefening.”
‘n Onlangse verklaring in die joernaal Pediatrics meld ‘n verhoging in die aantal boksbeserings oor die afgelope dekade.
– Volg Nuus24 op Twitter.
- Reuters