Kenners: Besnydenis help tóg vigs keer
2011-07-21 11:02
Johannesburg – Die bevordering van manlike besnydenis het 'n daling van 76% in die aantal nuwe MIV-infeksies onder besnyde mans tot gevolg gehad.
Dít is een van die bevindings van 'n drie jaar lange navorsingsprojek in Orange Farm, suid van Johannesburg.
Dié bevindings is op die laaste dag van 'n internasionale vigskonferensie in Rome bekendgemaak.
Die veldtog het ook die aantal Suid-Afrikaanse mans wat besny is, van slegs 15% in 2007 tot 50% verhoog.
'n Woordvoerder van die Bophelo Pele-projek, Dirk Taljaard, het gesê dit is 'n bewys dat besnydenis wel daarin slaag om die uitwerking van MIV in 'n gemeenskap te verminder.
– RSG
– Volg Nuus24 op Twitter.