Kees en kie maak amok op Indiese stasie

2012-11-06 13:39

Nieu-Delhi – Beamptes by ‘n treinstasie in Rajasthan, Indië het uit moedeloosheid ‘n belonging van $367 (sowat R3 207) aangebied vir enigiemand wat ontslae kan raak van ‘n trop ape wat passasiers terroriseer.

Die bestuur van die Chittorgarh-stasie het in die verlede vergeefs probeer om ontslae te raak van die trop van sowat 15 ape wat selfone en kos by passasiers steel.

"Hulle is ‘n intellegente klomp. Dit is amper asof hulle die aankondigings oor die luidsprekers verstaan,” het ‘n spoorwegbeampte gesê.

Hy het bygevoeg dat die ape elke keer by die stasie opdaag wanneer die treine aankom.

Die stasie het ook al die regering om hulp genader, maar dié het ook misluk in pogings om van die ape ontslae te raak.

Die bestuur het gesê die belonging sal betaal word aan iemand wat met 'n volhoubare plan vorendag kom om die probleem op te los.

“Hy of sy moet seker maak dat die ape só ver weg is dat hulle nooit weer sal terugkom nie.”

– Volg Nuus24 op Twitter
 

- Sapa-DPA