Kanker oorweldig arm lande
2010-09-28 15:17
Londen – Kanker is besig om arm lande te oorweldig, waar medikasie en spesialiste wat kennis oor die siekte het, baie skaars is.
Regerings in dié lande is onder geweldige druk om dieselfde reaksie te toon as wat hulle met die MIV/vigs pandemie gewys het.
Net soos met MIV het effektiewe medikasie, opgeleide dokters en voldoende voorkoming veroorsaak dat kanker dikwels in ryk lande behandelbaar is.
Maar in armer lande, waar medikasie vir kanker en kennis van spesialiste skaars is, is dit dikwels nie die geval nie.
“Mense dink kanker is net ‘n siekte vir ouer mense, maar teen 2020 sal 70% van alle nuwe kankergevalle in die ontwikkelende wêreld plaasvind,” het David Kerr, ‘n onkoloog-spesialis by Oxford-universiteit, gesê.
Intussen word slegs sowat 5% van wêreldwye hulpbronne vir kanker in ontwikkelende lande toegepas, terwyl kennis om die siekte te voorkom en die wyse waarop medikasie verkry moet word, baie laag is.
Volgens Kerr is daar slegs vier onkoloë in Ghana, ‘n land met 25 miljoen mense.
- Volg Nuus24 op Twitter.
- Reuters