Kaartjies te koop vir ruimtevlug
2010-09-17 00:41
Chicago – Boeing is besig tans om met ‘n ruimte toerisme-agentskap te onderhandel om sitplekke op ‘n ruimtetuig te verkoop.
Dié ruimtetuig gaan na die Internasionale Ruimte Stasie toe vlieg.
Volgens Boeing het hulle ‘n ooreenkoms met die toerisme agentskap, Spacecraft Adventures, om sitplekke vir die vlugte te bemark.
Dié ruimtetuig, die Boeing CST-100 is nog nie gemaak nie maar die maatskappy beoog om teen 2015 dié sewe sitplek ruimtetuig gereed te hê.
Spacecraft Adventures verkoop tans vlugte na die stasie aanboord van die Russiese Soyuz-ruimtetuig. Sowat sewe kliënte het reeds deur dié agentskap na die stasie gevlieg.
Die ruimte-agentskap Nasa het glo gesê privaat maatskappye moet dié vlugte na die stasie hanteer.
Toeriste sowel as ruimtevaarders moet aanboord die vlugte wees.
Volg Nuus24 op Twitter.
- AP