Kaapse owerhede waarsku oor haaie

2012-09-05 12:10

Kaapstad – Kaapse owerhede het strandgangers gewaarsku dat haai-aktiwiteit in die komende somermaande veral in Valsbaai aansienlik sal toeneem.

Die somermaande is die tyd van die jaar wat ‘n seisoenale toename in haai-aktiwiteit naby die kus voorkom, het Gregg Oelofse, hoof van die Kaapse stadsraad se komitee vir omgewingsbeleid en -strategieë, gesê.

Hy het bygevoeg dat dié tendens nie uniek aan Valsbaai is nie.

“Soortgelyke tendense kom ook voor in Gansbaai, Mosselbaai en selfs Kalifornië.”

Hy het gesê waarnemings deur haaikykers toon dat haai-getalle veral van September tot April toeneem.

“Witdoodshaaie is die hele jaar in die Kaapse waters teenwoordig, maar die kanse dat jy een van hierdie diere sal teëkom is minimaal. Tog moet strandgangers altyd versigtig wees.”

Kajakvaarders en branderplankryers is gevra om versigtig te wees tussen Sunnycove en Glencairn-strand. Swemmers is ook gevra om nie die water by Jaegers Walk in Vishoek in te gaan nie.

– Volg Nuus24 op Twitter
 

- SAPA