Jou hand nou ‘n selfoon
2010-04-20 12:45
Atlanta, Georgia – In Chris Harrison se ideale wêreld is selfone so groot soos vuurhoutjieboksies wat ‘n sleutelbord insluit, sowel as internettoegang en die vermoë om video’s te speel aan die gebruiker bied.
Meer belangrik, as Harrison sy sin kry, sal mens nooit aan selfone hoef te raak nie.
Harrison,'n gegradueerde van Carnegie Mellon universiteit, het ‘n werkende voorloper-model van ‘n stelsel met die naam 'Skinput' ontwerp, wat presies aan hierdie vereistes voldoen.
Skinput verander ‘n persoon se hand en voorarm in ‘n sleutelbord en skerm. Die sleutelbord sal op jou hand ten toon gestel word.
Om ‘n oproep te beantwoord is so maklik soos om jou vingers te klap. As jy te kies tussen liedere op jou foon, behels dit net ‘n vinnige aanraak van jou voorarm.
Met Skinput kan daar selfs sms-boodskappe gestuur word sonder dat daar aan ‘n selfoon geraak word.
Hierdie bewegings, wat op die beginsels van gebaretaal berus, word beheer deur ‘n Bluetooth-toestel in ‘n persoon se sak.
Lees hier meer oor Skinput.