Jesus-rivier nou besoedel en 'gevaarlik'
2010-07-22 12:46
Jerusalem – ‘n Omgewingsgroep het Woensdag daarop aangedring dat mense nie in die Jordaanrivier gedoop moet word nie, aangesien die water glo erg besoedel is.
Volgens Christelike tradisie het Johannes vir Jesus in dié rivier gedoop.
Die groep Friends of the Earth Middle East het in ‘n verklaring gesê dat mense wat in dié rivier gedoop wil word, moet wag totdat die standaard van die watergehalte weer aanvaarbaar is.
Die groep het op dié kwessie aangedring nadat Israel se ministrie van gesondheid gesê het dat mense moet ophou om hulself in die rivier te was, aangesien dit ‘n gesondheidsrisiko is.
Die rivier het in die afgelope paar jaar in ‘n vuil stroom ontaard nadat vars water wat in die rivier vloei deur rioolwater vervang is.
Volg Nuus24 op Twitter.
- AFP