Johannesburg is groener as wat hy voorkom
2011-11-20 23:00
Kaapstad – Johannesburg het ‘n reputasie as die wêreld se grootste, mensgemaakte woud, met meer as 10 miljoen bome.
Nietemin, met stof van die myne wat op ‘n winderige dag in die lug sigbaar is, die konstante dreigement van suur mynwater en die vaal landskap is Johannesburg met die eerste oogopslag nie die ideale kandidaat om as Suid-Afrika se groenste stad aangewys te word nie.
Nie eers te praat van die verkeersknope nie.
Tog het ‘n nuwe studie oor die groenste stede in Afrika getoon dat Johannesburg baie het om te bied.
Die stad is ‘n voorloper as dit kom by die besparing van elektrisiteit en die plant van bome, al gebruik die inwoners steeds te veel water en min mense herwin hul rommel.
Siemens het die Economist Intelligence Unit (EIU) gebruik om die Afrika-groen-stad-indeks saam te stel om daardeur te help om volhoubaarheid in die stad te verstaan.
Die studie het 15 stede in Afrika vergelyk op grond van hoe hulle teenoor die omgewing optree, sowel as volgens beleide oor kategorieë soos energie, koolstofuitlatings, die gebruik van grond, vervoer, rommel, water, sanitasie en die kwaliteit van die lug.
– Lees meer by City Press
– Volg Nuus24 op Twitter