Jobs se dood skep geleentheid vir mededingers
2011-10-06 12:26
Los Angeles – Die dood van Apple se inspirerende voormalige hoof sal waarskynlik groot gevolge vir die tegnologiereus inhou.
Steve Jobs se kreatiewe geesdrif het baie sterk tot die groei van Apple bygedra en sy dood laat vrae oor die maatskappy se vermoë om sonder hom teen dieselfde pas vooruit te streef.
“Dit was Jobs se Apple, nie Apple se Jobs nie,” het Kim Young-chan, ‘n ontleder van Shinhan Investment in Seoel, Suid-Korea, gesê.
Die hoofde van Apple se mededingers, Samsung, Amazon, Google en Sony, het almal hulde aan Jobs gebring.
Jobs het in Augustus die leisels wat Apple stuur aan Tim Cook oorgedra.
“Apple het nie meer iemand so kreatief en ambisieus soos Jobs op wie hulle kan staat maak nie,” het Simon Liu, ‘n ontleder van Polaris Group, gesê.
In Asië hou die lot van die elektronikavervaardiger Samsung ook sterk verband met dié van Apple.
Ontleders reken die Suid-Koreaanse firma is die beste geposisioneer om in Jobs se afwesigheid die pas in die elektronikabedryf aan te gee.
Die twee maatskappy is lank reeds in ‘n stryd gewikkel oor die gesogte mark vir slimfone.
Apple is ook Samsung se grootste kliënt en koop draagbare mikroskyfies en skerms van die Suid-Koreaanse maatskappy.
– Volg Nuus24 op Twitter.
- Reuters