Walvisjag weer onder vergrootglas

2012-11-27 10:16

Tokio – Meer Japannese ondersteun walvisjag as wat dit teenstaan, het ‘n meningspeiling wat deur diereregte-aktiviste uitgevoer is, getoon.

Van die 1 200 mense wat deur die internasionale fonds vir dierewelsyn (Ifaw) ondervra is, het 26,8% gesê hulle voel die land moet aanhou om walvisse te jag. Slegs 18,5% van respondente het dit nie goedkeur nie. Die orige groep het gesê hulle het geen opinie oor die saak nie.

Japan jag walvisse vir “wetenskaplike navorsing”, maar die vleis word openlik in winkels en restaurante verkoop.

Die land se regering beweer dat walvisjag deel van die Japannese kultuur is en wil weer met kommersiële walvisjag begin.

Diereregte-aktiviste veroordeel egter dié voorneme en hou vol dat die regering nie werklik sy landsburgers se ondersteuning het nie.

Ifaw beweer dat die Japannese regering jaarliks sowat $2,1 miljard (sowat R18 miljard) deur middel van walvisjag genereer.

– Volg Nuus24 op Twitter
 

- Sapa - AFP