Is jy en jou kind vriende... op Facebook?
2010-08-26 10:15
New York – Is dit ‘n goeie of ‘n slegte ding vir ouers om vriende te wees met hul tieners op Facebook?
‘n Nielsen-opname het gevind dat 75% van die ouers wat ondervra is, vriende met hul tieners op dié populêre netwerk is.
‘n Derde het erken dat hulle bekommerd is oor wat hulle tieners alles op die web aanvang waarvan hulle nie bewus is nie.
Omtrent 30% van die tieners wat deelgeneem het aan die opname het gesê dat hulle hul ouers sal ‘unfriend’ as hulle die kans gegun word.
Tog is meer as 70% van die tieners wel vriende met hul ouers op Facebook.
Vir party was dit nie ‘n keuse nie.
In 41% van die huishoudings in die opname kon die tiener slegs Facebook gebruik indien hulle instem om hul ouers tot hul lys vriende te voeg.
Baie tieners het egter gesê hulle gee nie om dat hulle ouers vriende is met hulle op Facebook nie, maar sou dit verkies as hulle nie kommentaar lewer op wat hulle kinders op Facebook aanvang nie.
Die opname het bestaan uit 1 024 ouers en 500 tieners tussen die ouderdom van 13 en 17.
Meer as die helfte van die tieners wat deelgeneem het, het ook erken dat hulle nie al hulle vriende op Facebook in die regte lewe ken nie.
Omtrent 40% van ouers het ook nie ‘n idee wie helfte van die mense op hul tieners se lys vriende is nie.
Twintig persent van die ouers het al in die verlede hul tieners beveel om iemand van hul vriende lys te verwyder.
Volg Nuus24 op Twitter.
- Reuters