Interpol wil eienaar vastrek oor borsinplantings
2011-12-24 22:55
Lyon, Frankryk – Die internasionale polisie-agentskap (Interpol) wil die Fransman Jean-Claude Mas, stigter van 'n maatskappy wat borsinplantings vervaardig, in hegtenis neem.
Dít volg ná berigte dat die borsinplantings van die maatskappy Poly Implant Prothese (PIP) kan skeur en in sommige gevalle kanker kan veroorsaak.
Meer as 2 000 vroue het reeds regsstappe gedoen oor die inplantings.
Die 72-jarige Mas, wie se foto op die Interpol-webwerf verskyn, word volgens dié webwerf in Costa Rica gesoek vir oortredings wat verband hou met "lewe en gesondheid".
– Volg Nuus24 op Twitter
- AFP