Internetsoektogte na Potter-ster gevaarlikste

2012-09-10 11:46

New York – Emma Watson is die bekende wat die meeste deur misdadigers as lokaas gebruik word om internet-gebruikers na kwaadwillige webtuistes te lok.

McAfee het Maandag gesê die Harry Potter-ster is die “gevaarlikste” bekende om op die internet voor te soek.

Die rede hiervoor is omdat verskeie webwerwe Watson gebruik om gebruikers te mislei om skadelike sagteware te laai of om persoonlike inligting te steel.

Wanneer gebruikers vir die 22-jarige Watson op die internet soek, is daar ‘n een-uit-agt-kans dat die gebruiker op ‘n kwaadwillge webtuiste sal beland.

Hierdie is die sesde keer wat die maatskappy die studie gedoen het. Verlede jaar was Heidi Klum bo aan die lys van bekendes.

Vroulike bekendes is meer geneig om deur internet-misdadigers gebruik te word.

Ander bekendes op die lys is Jessica Biel, Eva Mendes, Selena Gomez en Halle Berry.

– Volg Nuus24 op Twitter

 

- AP