Internetonderdrukking in VSA moontlik
2011-02-04 13:01
VSA - Dit is moontlik om die internet te ontkoppel en toegang daartoe te beperk, het internetkenners Woensdag gesê.
Egipte het internettoegang verbied, en tegnies kan die VSA en ander lander dieselfde doen.
Volgens Jim Cowie, mede-stigter van Renesys, bepaal ’n land se wetgewing, en nie sy tegniese infrastruktuur nie, burgers se toegang tot die internet.
Drie senators van die VSA het wetgewing voorgelê wat vir die president noodmagte oor die internet sal gee in die geval van ’n internetaanval, berig CNET.
Die senators het Woensdag parallelle met die situasie in Egipte ontken.
Lees meer by CNN.