Internet vir vredesprys benoem
2010-03-11 13:56
Kaapstad - Die internet is vir die Nobel-vredesprys, wat verlede jaar aan Barack Obama toegeken is, benoem, berig CNN.
Die vraag is net, as die internet wen, kry ons almal ‘n prys?
Daar is vroeër die week berig dat die internet vir die gesogde Nobel-vredesprys benoem is.
Party van die web se ontwerpers, soos Larry Roberts, Vint Cerf en Tim Berners-Lee is ook benoem.
Indien een van hulle wen, is dit duidelik wie met die trofee sal huis toe gaan, maar indien die “internet” wen, wie stap dan huis toe met die trofee?
Die internet verdien tot ‘n sekere mate die vredesprys.
Deur die internet, kon nooddienste baie vinniger in Haïti mobiliseer.
Die internet het ook betogers in Iran georganiseer.
Wired Magazine in Italië, wat die internet se benoeming ondersteun, is van mening dat die internet “dialoog, debat en konsensus” aanvuur.
Dit is egter nie al wat deur die internet aangevuur word nie.
Die pornografie industrie het, onder andere, ongelooflik gebaat by internet-verbruikers.
Die feit bly staan, die internet is ‘n neutrale platform vir beide goed en kwaad.
Dit is dan nie verbasend dat dié nominasie, ‘n groot debat uitgelok het nie.
‘n Debat wat, natuurlik, op die internet gevoer word.
Kliek hier om die volledige storie te lees.