Internet-pionier pleeg selfmoord

2013-01-13 08:58

Aaron Swartz (Michael Francis McElroy, New York Times/AP-argieffoto)

Londen – Aaron Swartz, ‘n bekende aktivis vir internet-vryheid en aanvanklike ontwikkelaar van die webwerf Reddit, is op die ouderdom van 26 oorlede.

Die BBC berig die aktivis en programmeerder het sy eie lewe in sy woonstel in New York geneem. ‘n Familielid het aan die uitsaaier gesê sy lyk is Vrydag gevind.

Swartz het as ‘n kind rekenaars begin programmeer. Hy het op die jong ouderdom van 14 ‘n vroeë weergawe van die RSS-spesifikasie geskryf.

Die baanbreker het later ‘n voorstander van internet-vryheid geword. Hy was een van die stigters van ‘n veldtoggroep, Demand Progress, wat teen internet-sensuur gekant is.

‘n Klomp aanklagte van kuberkrakery het hom ten tyde van sy dood in die gesig gestaar.

Volg Nuus24 op Twitter