IE-gebruikers nie so slim soos hul Firefox-eweknieë
2011-08-03 14:09
Londen – Internet-gebruikers wat hul daaglikse inligtingbrokkies op die leser Internet Explorer kry, het ondergemiddelde IK’s, het ‘n internet-konsultasiefirma gesê.
AptiQuant het 'n studie onderneem wat internet-gebruikers se IK’s getoets het en hulle ook gevra het watter lesers hulle gebruik om hul aanlyn-behoeftes te bevredig.
IE-gebruikers het laer IK’s gehad as mense wat Google Chrome, Firefox en Safari gebruik het.
Gebruikers wat die lesers Camino en Opera gebruik het, het die hoogste IK’s gehad.
Die bevindings het IE-gebruikers egter erg ontstoke gelaat, en van die respondente dreig nou met regstappe.
Navorsers het meer as 100 000 internet-gebruikers se IK’s aanlyn getoets.
– Lees meer hier.
– Volg Nuus24 op Twitter.